捉熊商舖 非「大行」複製品 馬紀筠打造專業租賃顧問路線

Q1.「租賃顧問」行業成為市場真空？ 

確實社會上未有一間針對專做「租賃顧問」公司。 地產代理業務分為住宅、工商、商業、商舖，新樓抽籤、一手買賣、二手買賣及租賃； 「租賃顧問」係直接影響社會經濟同就業指數，透過「租賃成交」促進社會經濟， 降底空置，減低失業率。 對業主層面，地產唔係只集中係「買賣」，Leasing先係「根」 , 直接幫助業主增加收入, 間接提高物業價值，如果Leasing這個「根」做唔好，接下來都 會輸。 對租客方面，我服務對象係社會，不分大細公司，只要係用心經營，需要租舖， 我就會提供專業支援。 回顧2021年8月至今，經歷疫情第5波，我一共促成了21宗成交， 促成金額超過220萬，單單今個9月份都促成了5宗交易，當中大至連鎖客DR KONG， 細至短租 / 頂手$3000既生意，我一樣公平提供專業協助。 當然仲有好大發展空間， 我目標做到100宗，甚至1000宗成交，累積更多經驗去服務社會上客戶。 

Q2. 對「租賃顧問」行業未來既發展 

「租賃顧問」其實屬於一個專業範疇，當中包含地區性租賃、短租、頂手及商場合約， 同時我亦堅負著社會責任，以及服務承諾，包括就每一個案，我會向客戶提供 「租賃計劃書」，內容包括地區性資訊，租舖指南，成交記錄，放盤資料，意向書參考， 本行促成成交，區內新租客等等，讓客戶能夠作出更適當既決定。 而我公司作為「租賃顧問」的收費亦有別於坊間做法，首先從來無法例規定「既定收費」 同埋「幾時收取」，所謂「半個月佣金」只係「行規」訂立。我地應該因應市場作出 獨立商業決定提供給客戶選擇，包括我公司提供「基本顧問服務」及「不成功不收費」， 收取「成交租金25%起」按客戶的需要決定邊個服務。 

Q3.捉熊商舖係點構思？ 

其實係我仔仔給我最大動力開這間公司，同時亦希望俾到在職年青人一個借鏡，如何做到 「Work Life Combined」。 剛剛創辦時一定有壓力，仔仔2歲未夠，但上得場一係得， 一係唔得，無時間俾你低潮，亦唔可以因為小B需要照顧，而影響服務質素 ; 都唔可以 因為工作，而忽略我既小B先生成長發展，所以The work must go on!! 我地公司無請人 ，屋企都無工人，公司屋企都係得我同我先生倆個去做，分工係最關鍵，感恩我有個 「多功能老公」無條件背後支撐住我，幫助我照顧小B，打理好屋企，我好欣賞佢， 始終唔係個個男人願意同埋做得到，同時佢要分身處理公司行政，審查，「捉熊落街」 推廣，係佢令我可以放心全心全意去為客戶工作。 同時「親力親為」係我公司原則， 我都希望帶住呢份正能量同精神俾到每位客人感受到「積極‧認‧專業」。

 Q4.重提「馬紀筠私影片流出」事件，如何走出陰霧？ 

原來都事隔5年，我覺得只要無時刻持有正面既思維，負面既說話係可以劃上清界線。 我同我先生至今已踏入第11年感情，一樣走到今天，結左婚，生埋仔， 一齊經營自己公司，所以一次意外，不足以令妳跌倒！ 我做到，妳地都一樣得，加油！ 

Q5.馬紀筠 / 「捉熊」知多少？ 

「捉熊商舖」創辦人，專注經營「租賃顧問」業務 ; 

 「捉熊落街」創辦人，主要為「捉熊商舖」全權進行推廣及設計； 

「捉熊商舖」首13個月，個人促成20宗租賃成交，成交金額逾220萬； 

「捉熊商舖」為實體店，公司地址為尖沙咀梳士巴利道3號星光行5樓527C室； 

公司只有2名員工，分別為本人馬紀筠 及 鄧兆匡先生；

 馬紀筠 - 第48屆傑出青年推銷員獎( OYSA )； 

已婚，育有一子。 

拍攝 : Lavonnli 

化妝 : Aisu Kurimu L@ andressmaquilleur 

服飾 : Theory 

場地 : 海景嘉福洲際酒店 

拍攝日期 : 2022年9月28日